Аварыя ў Гродзенскім раёне
Каля 8 гадзін раніцы 24 студзеня адбылася аўтааварыя на дарозе “Каўпакі – Капцёўка – Каменка” у Гродзенскім раёне, паведамляе ДАІ.
«Рэно» пасля сутыкнення
Кіроўца легкавіка “Рэно” рухалася ў накірунку аграгарадка Капёўка і пры выездзе на аўтадарогу Р-99 не ўступіла дарогу “Мерседэсу”, які рухаўся па галоўнай дарозе справа.
У выніку сутыкнення 76-гадовая пасажырка “Мерседэса” атрымала пералом носа і пашкоджанні твару.
На месцы аварыі
Пасля дапамогі медыкаў пацярпелую адпусцілі дамоў, канстатуе рэсурс абласной ДАІ.
Фота ДАІ