Ілюстрацыйнае фота
Паводле сіноптыкаў, раніцай і днём у суботу, 19 лютага, па Гродзенскай вобласці чакаюцца парывы ветру да 25-30 м/с, у сувязі з чым аб’яўлены самы высокі, чырвоны, узровень небяспекі.
Супрацоўнікі ДАІ раяць аўтаўладальнікам паркаваць свае машыны далей ад дрэў і хісткіх будаўнічых канструкцый, якія могуць упасці пры моцных парывах ветру. Таксама ДАІ папярэджвае кіроўцаў пра магчымы моцны бакавы вецер на адкрытых участках дарог.
Выратавальнікі, у сваю чаргу, нагадваюць, што пры няштатных сітуацыях людзям
варта звяртацца па дапамогу па нумарах 101 ці 112 ды карыстацца сервісам МНС “Дапамога побач”.