ДАІ
У пятніцу на тэрыторыі некаторых райцэнтраў і ў Гродне будуць праводзіцца спецыяльныя мерапрыемствы па выяўленні парушэнняў Правілаў дарожнага руху з боку кіроўцаў. Завужаючы палосы руху, супрацоўнікі ДАІ правераць спыненых кіроўцаў, іх транспарт і дакументы, канстатуе рэсурс абласной ДАІ.
На дарогі выведуць дадатковыя экіпажы ДАІ. Асаблівую ўвагу інспектары будуць надаваць фізічнаму стану кіроўцаў і эксплуатацыі іх транспарту.
За тры месяцы гэтага года на Гродзеншчыне адбылося 63 ДТЗ, у якіх 12 чалавек загінулі і 64 атрымалі раненні, адзначаецца ў паведамленні.
Фота ДАІ