Актыўнаму ўдзельніку дэструктыўных тэлеграм-каналаў прад’яўлена абвінавачванне за абразу прадстаўнікоў улады і іх блізкіх, у тым ліку вышэйшых службовых асобаў, паведамляе БЕЛТА са спасылкай на афіцыйнага прадстаўніка УСК па Гродзенскай вобласці Дар’ю Чаплю.
Паводле Чаплі, у матэрыялах справы ўстаноўлена 35 фактаў злачыннай дзейнасці фігуранта, а пацярпелымі прызнаны 26 чалавек.
Сам фігурант сваю віну прызнаў часткова. Раней ён судзімы не быў, працаваў бухгалтарам.
Матэрыялы справы перададзены пракурору для накіравання ў суд. Мужчына змешчаны пад варту, адзначаецца ў паведамленні.
Фота БЕЛТА