Ілюстрацыйнае фота
Днём 2 чэрвеня на чыгуначнай станцыі “Свіслач” у пасёлку Мяльнова Свіслацкага раёна гарэў грузавік Freightliner 2009 года выпуску з прычапной шчэпадрабілкай Мorbark OBM 30 RXL, паведамляе МНС.
У выніку пажару агнём знішчаны грузавік і згарэла 3 кубаметры шчэпак, пашкоджа шчэпадрабільная машына. Выратавалі 1300 кубаметраў шчэпак і 100 кубаметраў лесаматэрыялу для іх вырабу.
Гэта быў адзіны пажар на Гродзеншчыне за апошнія суткі, яго прычына высвятляецца, адзначаецца ў паведамленні.