На месцы ДТЗ
Каля 15 гадзін 6 чэрвеня на скрыжаванні Бульвара ленінскага камсамола і вуліцы Урублеўскага ў Гродне адбылаося ДТЗ, у якім пацярпелі матацыкліст і яго пасажыр, паведамляе ДАІ.
Устанавілі, што 56-гадовы кіроўца легкавіка-таксі “Фольксваген” рухаўся па вуліцы Урублеўскага і пры павароце налева на зялёны сігнал сфетлафора праявіў няўвагу, не пераканаўся ў бяспецы свайго манёўру і дапусціў сутыкненне з матацыклам “Кавасакі”, які рухаўся прама ў сустрэчным накірунку.
У выніку ДТЗ непаўнагадовыя кіроўца матацыкла і яго пасажыр з траўмамі шпіталізаваны ў бальніцу.
Матацыкліст мае правы кіроўцы адпаведанй катэгорыі, а таксама ён і яго пасажыр ехалі ў зашпіленых моташлемах, што, магчыма, зберагло іх ад больш цяжкіх наступстваў аварыі, адзначаецца ў паведамленні.
Праверка павінна выявіць больш яскравы малюнак гэтага ДТЗ.
Фота ДАІ