"Нісан" у Індуры
27 чэрвеня на Гродзенскай вуліцы ў аграгарадку Індура адбылося ДТЗ, у выніку якога пацярпеў адзін чалавек, паведамляе ДАІ.
36-гадовы кіроўца легкавіка “Нісан» рухаўся па аўтадарозе “Баранавічы – Ваўкавыск – Пагранічны – Гродна” з боку Гродна і пры ўездзе ў Індуру не справіўся з кіраваннем, з’ехаў у левы па ходу руху кювет, дзе стукнуўся ў плот.
Па папярэдняй інфармацыі, кіроўца заснуў за стырном і страціў кантроль над кіраваннем машынай.
У выніку аварыі мужчына атрымаў траўмы пляча і галавы. Пасля медыцынскай дапамогі яго адпусцілі дамоў.
Па факце гэтага ДТЗ праводзіцца праверка.
Фота ДАІ