Аварыя ў Іўеўскім раёне
Каля 7.10 раніцы 28 чэрвеня адбылося ДТЗ з пацярпелым на аўтадарозе “Ашмяны – Юрацішкі – Іўе” ў Іўеўскім раёне, паведамляе ДАІ.
На месцы ДТЗ
44-гадовы кіроўца “Фіата” рухаўся па другараднай дарозе і не прапусціў аўтамабіль “Джылі”, які ехаў па галоўнай дарозе ў бок Ашмян.
У выніку сутыкнення, 41-гадовы пасажыр “Джылі”, які ехаў на заднім сядзенні і быў прышпілены пасам бяспекі, з цялеснымі пашкоджаннямі шпіталізаваны ў бальніцу.
«Джылі» пасля сутыкнення
Як высветлілася падчас разбіральніцтва, віноўнік ДТЗ быў у нецвярозым стане, не меў правоў кіравання транспартным сродкам, а яго машына не мае допуску для ўдзелу ў дарожным руху, адзначаецца ў паведамленні.
Па факце гэтага ДТЗ праводзіцца праверка.
Фота ДАІ