Пасля ДТЗ
На месцы аварыі
73-гадовы жыхар Вільнюса на “Таёце” рухаўся па Ашмянах у бок вёскі Будзёнаўка па правай палаее і ў нейкі момант вырашыў павярнуць налева да крамы, не заняўшы крайні левы бок дарогі.
Матацыкл і легкавік
У гэты час па левай паласе ў спадарожным накірунку рухаўся на матацыкле 25-гадовы жыхар Ашмянскага раёна. Кіроўца легкавіка з-за сваёй няўважлівасці дапусціў сутыкненне з матацыклам.
Пасля аварыі матацыкліста шпіталізавалі з многімі траўмамі ў бальніцу.
Матацыкліст акзаўся пазбаўлены права кіравання за неаднаразовае перавышэнне хуткасці. Цягам года ён пяць разоў прыцягваўся да адказнасці як бяспраўнік і за іншыя парушэнні ПДР. Яго матацыкл не праходзіў тэхагляд, і допуску да ўдзелу ў руху матацыкліст не атрымліваў, адзначаецца ў паведамленні.
У сваю чаргу ў кіроўцы “Таёты”, жыхара суседняй Літвы, тэрмін дзеяння пасведчання кіроўцы скончыўся яшчэ ў 2019 годзе, і ён не меў права на кіраванне.
Па факце гэтага ДТЗ прызначана праверка.
Фота ДАІ