Крадзеная кукуруза
Днямі супрацоўнікі Шчучынскага РАУС падчас правядзення рэйдавых мерапрыемстваў у вёсцы Бабічы затрымалі 52-гадовага вяскоўца, які ўкраў у мясцовай гаспадарцы камбікорм і зерне кукурузы агульнай вагой 400 кг, паведамляе УУС Гродзенскага аблвыканкама.
Падчас вобшуку аператыўнікі таксама знайшлі на прыватным падворку мужчыны 90 літраў пафарбаванага паліва, якое ён прысвоіў падчас уборкі ўраджаю.
На вяскоўца склалі адміністратыўныя пратаколы па артыкуле “Дробны крадзеж”.
Міліцыя Гродзеншчыны будзе працягваць рэйдавыя мерапрыемствы падчас жніва, адзначаецца ў паведамленні.
Фота УУС