Ілюстрацыйнае фота
За мінулыя суткі ў Гродзенскай вобласці здарыліся два пажары, паведамляе МНС.
Вечарам 5 жніўня ў Гродне на Бульвары Ленінскага Камсамола ў шматпавярховіку загарэлася кватэра. У выніку пажару агнём пашкоджана ваконная рама, ашкленне і абшыўка балкона, закурадымлены сцены і столь у пакоі.
Ноччу 6 жніўня выратавальнікам паступіла паведамленне пра пажар прыватнай гаспадарчай пабудовы ў вёсцы Гушчыцы Гродзенскага раёна. Там агнём знішчаны дах, пашкоджаны перакрыцці і маёмасць у будынку.
Прычыны пажараў высвятляюцца.