Самагонны завод
На момант візіту праваахоўнікаў 44-гадовы мясцовы беспрацоўны мужчына паспеў выгнаць 185 літраў самагонкі і падрыхтаваць 4900 літраў брагі, паведамляе УУС Гродзенскага аблвыканкама.
Самагонна апарат канфіскавалі, усе вадкасці знішчылі. Мужчыне пагражае адміністрацыйная адказнасць за выраб моцных алкагольных напояў, паўфабрыкатаў для іх прыгатавання і адказнасць за захоўванне самагоннага апарата.
Брага
Санкцыі артыкула прадугледжваюць штраф да 5 базавых адзінак, а ў выпадку паўторнага парушэння цягам года — да 30 базавых, адзначаецца ў паведамленні.
Па гэтым факце праводзіцца праверка.
Фота УУС