Ілюстрацыйнае фота
Днём 14 жніўня паступіла паведамленне пра пажар гаспадарчай пабудовы ў вёсцы Агрызкі Мастоўскага раёна. Агнём пашкоджаны дах і перакрыцце пабудовы.
Вечарам 14 жніўня ў аграгарадку Вайневічы Дзятлаўскага раёна агонь знішчыў 15 тон саломы ў стозе.
Вечарам 14 жніўня паведамілі пра пажар лазні на вуліцы Пушкіна ў Слоніме. Там агнём пашкоджаны дах, перакрыцце, закурадымлены сцены і столь у будынку.
Ноччу 15 жніўня ў вёсцы Краснаўцы Лідскага раёна гарэў дом. Агнём знішчаны дах, часткова перакрыцці і маёмасць у доме. У доме знойдзены мёртвымі гаспадар жытла і жанчына, асоба якой устанаўліваецца.
Вечарам 14 жніўня ў Гродне ў 4-ым завулку Калініна адбыўся пажар у адной з кватэр. У жылым пакоі работнікі МНС знайшлі на ложку, які гарэў, спячага мужчыну 1974 года нараджэння. Выратавальнікі вывелі яго на чыстае паветра.
Прычыны пажараў устанаўліваюцца.