Кіроўца заснуў за рулём — аварыя ў Ваўкавыскім раёне

Сям’я вярталася на легкавіку “Шкода” ў Гродна з Брэсцкай вобласці, калі ў аграгарадку Падароск на Брэсцкай вуліцы 43-гадовы кіроўца заснуў за рулём і выехаў на сустрэчную паласу руху.

Пасля аварыі

У той час там насустрач рухаўся грузавы “МАН” з паўпрыцэпам. Кіроўца фуры ўбачыў, што на яго рухаецца “Шкода” і спрабаўваў пазбегнуць сутыкнення, выруліўшы на сустрэчную паласу злева, але марна — сутыкненне адбылося.

Працуюць выратавальнікі

У выніку здарэння 39-гадовая пасажырка легкавіка на заднім пасажырскім сядзенні атрымала траўмы і была шпіталізавана ў траўматалагічнае аддзяленне бальніцы.

Усе ўдзельнікі аварыі былі прышпілены пасамі бяспекі.

Па факце гэта ДТЗ праводзіцца праверка, а інспектары ДПС раяць кіроўцам, якіх пачало хіліць на сон за рулём, спыніцца і 30 – 40 мінут адпачыць — гэта дапаможа сабрацца з сіламі і бяспечна даехаць да месца прызначэння.

Фота ДАІ