Аварыя на збожжаскладзе ў Ашмянах
Вечарам трэцяга верасня на вуліцы Чкалава ў Ашмянах абвалілася сцяна збожжасклада. Пад абломкамі сцяны і зернем апынулася заціснутай 40-гадовая мясмцовая жыхарка. Патрабавалася дапамога выратавальнікаў, паведамляе МНС.
Пацярпелую вызвалілі з-пад абломкаў і збожжа
Пацярпелая знаходзілася ў прытомнасці і скардзілася на цяжкасць дыхання і боль у нагах.
Пасля аварыі
Байцы МНС прыступілі да выратавальнай аперацыі. Уручную разабралі рэшткі сцяны і падручнымі сродкамі адграблі зерне і будаўнічыя абломкі, каб вызваліць ногі жанчыны.
Вызваліўшы ад завалаў, пацярпелую перадалі медыкам хуткай дапамогі. Жанчыну шпіталізавалі ў бальніцу ў стане сярэдняй ступені цяжкасці.
Прычыны і абставіны здарэння высвятляюцца, адзначаецца ў паведамленні.
Фота МНС