За мінулыя выхадныя ў Гродзенскай вобласці супрацоўнікі ДАІ выявілі 15 фактаў кіравання транспартным сродкам у нецвярозым стане, паведамляе рэсурс абласной ДАІ.
Так у суботу ў 00.15 на вуліцы Багушэвіча ў Гродне інспектары спынілі легкавік “Фольксваген” пад кіраваннем 18-гадовага хлопца. Падчас размовы з маладым чалавекам інспектары выявілі ў яго яўныя прыкметы алкагольнага ап’янення.
Медыкі засведчылі 1,3 праміле алкаголю ў арганізме кіроўцы. Ад тлумачэнняў малады чалавек адмовіўся.
Цяпер яму пагражае штраф у 200 базавых адзінак і пазбаўленне правоў кіравання тэрмінам на 5 гадоў. Пасведчанне кіроўцы хлопец атрымаў 2 месяцы назад, адзначаецца ў паведамленні.
Фота ДАІ