Грыбнік
У лясах Брэсцкай вобласці 2 кастрычніка заблукалі двое мужчын-гыбнікоў, якіх знайшлі выратавальнікі, паведамляе БЕЛТА са спасылкай на абласное ўпраўленне МНС.
Так у Баранавіцкім раёне каля 13.00 выратавальнікам паступіла паведамленне, што патрэбна дапамога ў пошуках мужчыны 1952 года нараджэння, які згубіўся ў лесе непадалёк ад вёскі Дрогабыль. Яго работнікі МНС знайшлі каля 17.30. У медыцынскай дапамозе грыбнік патрэбы не меў.
Аналагічны тэлефонны званок у службу выратавання паступіў у Маларыцкім раёне ў 18.30. Гэтым разам у лесе заблукаў грыбнік 1983 года нараджэння. На яго пошукі пайшло менш за гадзіну. Знайшлі чалавека выратавальнікі з ляснічым. З ім таксама было ўсё добра, адзначаецца ў паведамленні.
Фота з архіва БЕЛТА