Знойдзеная ў Смаргонскім раёне марыхуана
Супрацоўнікі смаргонскай міліцыі падчас правядзення аператыўна-вышуковых мерапрыемстваў затрымалі ў Смаргонскім раёне 55-гадовага мужчыну, які захоўваў дома больш за 5 кг марыхуаны, паведамляе УУС Гродзенскага аблвыканкама.
Падчас размовы затрыманы патлумачыў, што наркатычную расліну захоўваў для сябе.
Смаргонскі райаддзел Следчага камітэта ўзбудзіў супраць яго крымінальную справу па артыкуле “Незаконны абарот наркатычных сродкаў, псіхатропных рэчываў, іх прэкурсораў і аналагаў”.
Санкцыі гэтага артыкула прадугледжваюць да 5 гадоў пазбаўлення волі, адзначаецца ў паведамленні.
Фота УУС