Знайшлі грыбніка
Вечарам 2 лістапада выратавальнікам паступіла паведамленне, што ў лесе каля вёскі Рыбніца Гродзенскага раёна згубіўся чалавек. Падраздзяленні МНС неадкладна накіраваліся туды, паведамляе рэсурс выратавальнікаў.
Высветлілася, што каля 10 гадзін 84-гадовы пенсіянер накіраваўся ў лес па грыбы. Бліжэй да вечара яго дачка захвалявалася, што бацька не вярнуўся дамоў і паведаміла пра гэта ў МНС і міліцыю.
Падчас пошуку выратавальнікі знайшлі мужчыну, які ішоў па дарозе ўздоўж лесу. Медыцынская дапамога яму не спатрэбілася.
Фота МНС