У кювеце
У мінулы чацвер на аўтадарозе М-11 “Мяжа Літоўскай Рэспублікі-Ліда-Слонім-Быцень” адбылася аварыя з удзелам вялікагруза, паведамляе абласная ДАІ.
29-гадовы кіроўца на МАЗе з пустым паўпрычэпам ехаў у накірунку Ліды, калі яго заспела непагадзь — пайшоў моцны снег. Каля 16.00 каля вёскі Мінойты кіроўца не ўлічыў умовы надвор’я, не справіўся з кіраваннем і з’ехаў у правы па ходу руху кювет, дзе перакуліўся.
У выніку ДТЗ грузавік і паўпрычэп атрымалі механічныя пашкоджанні. МАЗ з кювета даставалі з дапамогай крана. Кіроўца траўмаў не атрымаў. Ён быў прышпілены пасам бяспекі.
Падчас снегападу Дзяржаўтаінспекцыя раіць зніжаць хуткасць да 10 – 20 км/г і рухацца максімальна плаўна, пазбягаючы рэзкіх манеўраў, адзначаецца ў паведамленні.
Фота ДАІ