Ілюстрацыйнае фота
За апошнія суткі ў Гродзенскай вобласці здарыліся два пажары, паведамляе МНС.
Днём трэцяга снежня на прыватным падворку на Шырокай вуліцы ў Мастах гарэў легкавік. Агнём пашкоджаны маторны адсек і салон машыны.
Вечарам гэтага дня выратавальнікам паступіла паведамленне пра пажар лазні на тэрыторыі дачнага ўчастка каля вёскі Польніца Гродзенскага раёна. Там у выніку пажару знішчана лазня і аўтамабіль, які стаяў у гаражным памяшканні побач.
Таксама агнём пашкоджаны дах і перакрыцці ў гаражы ды лакафарбавае пакрыццё мікрааўтобуса, які там стаяў.
Прычыны пажараў высвятляюцца.