На месцы аварыі,
22 снежня каля 9.00 на 166 кіламетры аўтадарогі “Барысаў – Вілейка – Ашмяны” перакуліўся вялікагруз “Вольва”, паведамляе абласная ДАІ.
Пацярпелі блокі
48-гадовы кіроўца фуры, загружанай будаўнічымі блокамі, рухаўся са Смаргоні ў горад Вілейку Мінскай вобласці. Каля вёскі Перавозы мужчына не справіўся з кіраваннем і з’ехаў у левы па ходу руху кювет, дзе перакуліўся.
У выніку аварыі 50-гадовая пасажырка шпіталізавана ў траўматалагічнае аддзяленне бальніцы. Кіроўцу дапамога медыкаў не спатрэбілася.
Па факце гэтага ДТЗ узбуджана крымінальная справа.
Фота ДАІ