Ілюстрацыйнае фота
Гэта здарылася ў канцы лістапада. 35-гадовы гродзенец шукаў сабе на прасторах інтэрнэта спадарожніцу на ноч і напісаў дзяўчыне, якая яму спадабалася на адным з сайтаў, паведамляе УУС Гродзенскага аблвыканкама.
Прадстаўніца старажытнай прафесіі папрасіла ўнесці папярэднюю аплату. Калі ў якасці задатка мужчына пералічыў на прапанаваны рахунак 200 рублёў, на сувязь з ім больш ніхто не выйшаў.
Мужчына зразумеў, што стаў ахвярай махлярства і звярнуўся ў праваахоўныя органы.
Па гэтым факце Гродзенскі міжраённы аддзел Следчага камітэта ўзбудзіў крымінальную справу па артыкуле “Махлярства”.
На дадзены момант устаноўлена, што грошы гродзенец пералічыў на тэрыторыю Расійскай Фэдэрацыі, адзначаецца ў паведамленні.