Ілюстрацыйнае фота
22 снежня 25-гадовы жыхар Гродна ў раёне чыгуначнага вакзала абласнога цэнтра забраў з клумбы навагодню ілюмінацыю, паведамляе УУС Гродзенскага аблвыканкама.
У той жа дзень паведамленне пра гэтае злачынства паступіла ў Ленінскі РАУС. Пры маніторынгу запісаў камеры відэаназірання міліцыянеры пазналі западозранага ў злачынстве, бо раней ён ужо меў праблемы з законам. Дома ў маладога чалавека знайшлі ўкрадзеную гірлянду.
Дзеянні гродзенца мясцовы межрайаддзел Следчага камітэта кваліфікаваў па артыкуле “Крадзеж” крымінальнага кодэкса. Сума нанесенай шкоды склала 800 рублёў, адзначаецца ў паведамленні.
Відэа УУС