Дзед Мароз-выратальнік
Работнікі Слонімскага райаддзела МНС арганізавалі незвычайнае віншаванне дзяцей, якія знаходзяцца на лячэнні ў дзіцячым аддзяленні цэнтральнай раённай бальніцы, паведамляе рэсурс выратавальнікаў.
Дзед Мароз-выратавальнік падняўся ў акно да маленькіх пацыентаў, каб уручыць падарункі і нагадаць ім правілы бяспекі.
Разам з казачным героем дзеці вадзілі карагоды і спявалі песні, а дарослыя паўтарылі, якія меры бяспекі патрэбна выконваць пры запуску піратэхнічных вырабаў, успомнілі нумары службаў экстраннага рэагавання і алгарытм дзеянняў у выпадку НС.
Прадстаўнікі МНС пажадалі хлопчыкам і дзяўчынкам хутчэйшага выздараўлення і бяспечнага Новага года.
Фота МНС