Ілюстрацыйнае фота
Напрыканцы снежня двое жыхароў Астраўца знайшлі на прасторах інтэрнэту аб’яву пра продаж спартыўнага касцюма. Кошт ім падаўся прымальным, яны звязаліся з прадаўцом і ў выніку перамоў перавялі яму грошы за поўны кошт рэчы — звыш 700 рублёў, паведамляе рэсурс абласной міліцыі.
Атрымаўшы грошы, прадавец спачатку пераконваў пакупнікоў, што тавар ім адпраўлены. Такая перапіска цягнулася больш за месяц, а потым прадавец перастаў выходзіць на сувязь. Пасля гэтага пацярпелыя звярнуліся па дапамогу да праваахоўнікаў.
Па гэтым факце Гродзенскі міжрайаддзел Следчага камітэта ўзбудзіў крымінальную справу па артыкуле “Махлярства”.
На цяперашні момант асоба западозранага выяўляецца, адзначаецца ў паведамленні.