Правілы бяспекі на Вадохрышча

Лічыцца, што вада ў гэтыя дні — іярданская 18 студзеня і хрышчэнская 19-га — валодае лекавымі якасцямі, і такім чынам можна пазбавіцца ад многіх хваробаў, умацаваць свае цялесныя і душэўныя сілы, ачысціцца ад негатыву і зла ды напоўніць душу чысцінёй і святлом.

Вернікі сцвярджаюць, што купанне ў ледзяной вадзе ў гэты дзень не можа нікому нашкодзіць. Аднак медыкі прытрымліваюцца іншай думкі. Таму выратавальнікі раяць прытрымлівацца наступных правіл купання на Вадохрышча:

1. Не забывайцеся пра супрацьпаказанні. Пракансультуйцеся са спецыялістамі, ці можна вам купацца ў ледзяной вадзе на Вадохрышча. Дзецям да 6 гадоў, цяжарным жанчынам, кормячым грудзямі мамам, сталым людзям пасля 65 гадоў купацца ў ледзяной вадзе катэгарычна забаронена.

2. Выбірайце спецыяльна абсталяваную палонку каля берага, дзе ёсць мосцікі, а побач дзяжураць выратавальнікі і медыкі. Акунацца патрэбна на глыбіні, на якой ногі датыкаюцца да дна.

3. Распранайцеся паступова: спачатку здыміце верхнюю вопратку, праз 2 – 3 мінуты абутак, так арганізм хутчэй прывыкне да холаду.

4. Да палонкі лепш ісці не босым, а ў шарсцяных шкарпетках ці тапачках, інакш хутка змерзнуць ногі. Рухацца патрэбна асцярожна, бо дарожка можа быць слізкай.

5. Акунацца з галавой не абавязкова. Трохразовае акунанне ў палонку з галавой — гэта толькі праваслаўная традыцыя, а не канон, які абавязкова патрэбна выконваць. Акунайцеся хутка, у вадзе не рэкамендуецца знаходзіцца больш за 1 мінуту, каб не дапусціць пераахалоджванне арганізма.

6. Пасля купання абавязкова разатрыце сябе ручніком, каб сагрэцца. Апраніцеся ў сухое цёплае адзенне і выпіце гарачай гарбаты.

7. Не піце алкаголь. Эксперты таксама раяць на некаторы час устрымацца ад палення, бо цыгарэты негатыўна дзейнічаюць на крываток і павялічваюць расход цяпла.

Выкананне гэтых правіл дапаможа вам застацца здаровым і атрымаць ад купання толькі станоўчыя эмоцыі, адзначаецца ў паведамленні.

Калаж МНС