У адной з арганізацый Ліды хлопец працаваў гандляром і меў доступ да грашовых сродкаў і тавару. З сакавіка па красавік мінулага года ён браў тавар з крамы і рэалізоўваў яго ў сваіх мэтах, а грошы пакідаў сабе, паведамляе УУС Гродзенскага аблвыканкама.
Супрацоўнікі АБЭЗ Лідскага РАУС падчас аператыўна-вышуковых мерапрыемстваў устанавілі асобу гандляра і выявілі, што сума стратаў крамы ад яго дзеянняў склала звыш 59000 рублёў.
У адносінах 23-гадовага хлопца Лідскі райаддзел Следчага камітэта ўзбудзіў крымінальную справу па артыкуле “Прысваенне альбо растрата”, адзначаецца ў паведамленні.