Пажар у Іўеўскім раёне
У вёсцы Лугамовічы Іўеўскага раёна 13 лютага гарэла хата 53-гадовай мясцовай жыхаркі, паведамляе МНС.
Гарэла жылая хата
Жанчына адчула пах гарэлага, але сама не магла вызначыць, дзе гарыць, ды звярнулася па дапамогу да суседа. Мужчына выявіў, што гарыць дах, і выклікаў выратавальнікаў.
Байцы МНС на месцы ўбачылі ахоплены полымем дах драўлянага будынка і ліквідавалі пажар. Агонь паспеў знішчыць дах, пашкодзіў перакрыцці і маёмасць у хаце.
Прычына пажару выяўляецца. Адна з версій — кароткае замыканне электраправодкі.
Фота МНС