Ілюстрацыйнае фота
Напрыканцы студзеня 16-гадовы жыхар Гродна убачыў у Інстаграме рэкламу інтэрнэт-крамы з прапановай набыць тэлефон «Iphone» па невялікім кошце. Хлопца зацікавіла гэта прапанова і ён звязаўся з прадаўцом, паведамляе рэсурс абласной міліцыі.
Пакупніка пераканаў выгадны кошт, станоўчыя водклікі, яркія малюнкі і тысячы падпісчыкаў. Падчас перапіскі з прадаўцом ён пералічыў на прапанаваны банкаўскі рахунак 380 рублёў. Калі прызначаны час прайшоў, тавар не быў дастаўлены, а прадавец перастаў выходзіць на сувязь, падлетак звярнуўся па дапамогу ў міліцыю.
Гродзенскі міжрайаддзел Следчага камітэта ўзбудзіў па гэтым факце крымінальную справу па артыкуле “Махлярства”.
Асоба западозранага ў злачынстве выяўляецца.