Днямі падчас земляных работ у вёсцы Навасёлкі Ашмянскага раёна і ў вёсцы Жылічы Шчучынскага раёна былі выяўлены 2 супрацьпяхотныя міны і 120-міліметровы снарад часоў Вялікай Айчыннай вайны, паведамляе УУС Гродзенскага аблвыканкама.
Пра знаходку вяскоўцы адразу паведамілі ў праваахоўныя органы. На месца выехала сапёрна-піратэхнічная група. Вайскоўцы забралі бонпрыпасы, якія потым будуць знішчаны.
Міліцыя нагадвае, што ў выпадку знаходкі боепрыпасаў ці падобных да іх прадметаў самастойна што-небудзь прадпрымаць не варта, бо гэта можа прывесці да цяжкіх наступстваў. Паведамляйце пра знаходку ў міліцыю.
Фота УУС