Ілюстрацыйнае фота
Жыхар Смаргоні вярнуўся дамоў з камандзіроўкі і вырашыў адзначыць гэту падзею. Добра ўжыўжы алкаголю, малады чалавек накіраваўся за дабаўкай, паведамляе рэсурс абласной міліцыі.
У краме ён падышоў да 21-гадовай супрацоўніцы, абхапіў яе рукамі і пачаў сціскаць грудную клетку і шыю. Дзяўчына паспела націснуць трывожную кнопку, і дэбашыра затрымалі работнікі крамы. Потым яго перадалі смаргонскім міліцыянерам.
Падчас гутаркі з праваахоўнікамі хлопец не змог патлумачыць матывы свайго ўчынку ды прызнаўся, што не помніць, як гэта здарылася.
Супраць маладога чалавека Смаргонскі райаддзел Следчага камітэта ўзбудзіў крымінальную справу па артыкуле “Хуліганства”.