Ілюстрацыйнае фота
У пачатку сакавіка 30-гадовая жанчына знайшла на вуліцы банкаўскую картку, якую згубіў 58-гадовы жыхар аграгарадка Алекшыцы Бераставіцкага раёна, паведамляе УУС Гродзенскага аблвыканкама.
Страту карткі гаспадар заўважыў не адразу, паколькі карыстаецца ёй не часта. Жанчына ж за гэтыя дні ў розных крамах Бераставіцкага раёна набыла за грошы з чужой карткі тавараў на 315 рублёў.
Праз пяць дзён пацярпелы заявіў у міліцыю пра страту сваёй карткі. Супрацоўнікі Бераставіцкага РАУС аператыўна выявілі асобу, якая здзяйсняла шопінг за чужы кошт. Супраць яе ўзбудзілі крымінальную справу па артыкуле “Крадзеж маёмасці шляхам мадэфікацыі камп’ютарнай інфармацыі”, адзначаецца ў паведамленні.