Ілюстрацыйнае фота
31-гадовая гродзенка ўбачыла ў Інстаграме прывабную рэкламу абутку, звязалася з прадаўцом і замовіла патрэбны ёй тавар, паведамляе рэсурс абласной міліцыі.
Падчас перапіскі жанчына пералічыла на ўказаны рахунак 360 рублёў і чакала дастаўку. Калі прызначаны час мінуў, а прадавец перастаў выходзіць на сувязь, жанчына звярнулася па дапамогу ў міліцыю.
Гродзенскі міжраённы аддзел Следчага камітэта ўзбудзіў крымінальную справу па артыкуле “Махлярства”. Асоба западозранага ў злачынстве выяўляецца, адзначаецца ў паведамленні.