Раніцай 9 траўня на тэрыторыі садовага таварыства “Пчолка”, што каля вёскі Тарусічы Гродзенскага раёна, гарэла прыватная гаспадарчая пабудова, паведамляе МНС.
Пры самастойным тушэнні пажару атрымаў апёкі гаспадар будынка 1941 года нараджэння, які шпіталізаваны. Гаспадарчая пабудова цалкам згарэла.
Прычына ўзгарання высвятляецца. Найбольш верагодна, што да пажару прывяла неасцярожнасць пры спальванні смецця, адзначаецца ў паведамленні.
Фота МНС