Ілюстрацыйнае фота
Днямі 17-гадовы хлопец і яго 18-гадовы знаёмы вынеслі з хаты ў Воранаўскім раёне лазенку, варачныя панэлі і іншую бытавую тэхніку, паведамляе рэсурс абласной міліцыі.
Крадзеж маладыя людзі здзейснілі шляхам зрыва навяснога замка. Гаспадар толькі праз некалькі дзён пасля візіту няпрошаных гасцей прыехаў дамоў, убачыў пашкоджаны замок на дзвярах і звярнуўся па дапрамогу ў міліцыю.
Супрацоўнікі Воранаўскага РАУС устанавілі асобы западозраных у злачынстве і затрымалі іх. Частка крадзенага была канфіскавана.
Воранаўскі міжрайадзел Следчага камітэта ўзбудзіў супраць маладых людзей крымінальную справу па артыкуле “Крадзеж, здзейснены групай асобаў”. Санкцыі гэтага артыкула прадугледжваюць да чатырох гадоў пазбаўлення волі, адзначаецца ў паведамленні.