Аперацыя "Фільтр"
З 27 ліпеня па 1 жніўня ў Гродзенскай вобласці супрацоўнікі ДАІ раніцай і вечарам у Лідскім, Ваўкавыскім, Слонімскім, Гродзенскім раёнах і ў Гродне праводзілі спецыяльнае прафілактычнае мерапрыемства “Фільтр”. Звужаючы палосы руху, інспектары правяралі кіроўцаў, іх транспарт і дакументы, паведамляе рэсурс абласной ДАІ
Самым распаўсюджаным парушэннем стала адсутнасць допуску да ўдзелу ў дарожным руху.
Усяго ў межах гэтых мерапрыемстваў выявілі 273 парушэнні ПДР, у ліку якіх 6 выпадкаў кіравання транспартам без правоў, 153 — кіраванне транспартам без тэхагляду, 41 — кіраванне няспраўным транспартам, у тым ліку з таніроўкай, 23 — не прышпіленыя пасы бяспекі, адзначаецца ў паведамленні.
Фота ДАІ