Ілюстрацыйнае фота
За мінулыя суткі ў Гродзенскай вобласці здарыліся два пажары, адзін чалавек загінуў, паведамляе МНС
17 жніўня ў 02.00 выратавальнікам паступіла паведамленне пра пажар жылога дома на вуліцы Арцёма ў Гродне. У выніку пажару знішчана маёмасць у двух пакоях, пашкоджаны перакрыцці і дах. У агні загінуў гаспадар дома.
Днём 16 жніўня на полі каля вёскі Семірэнкі Мастоўскага раёна падчас працы загарэўся і цалкам знішчаны агнём прэс-падборшчык Comprima-F155 2020 года выпуску. Людзі не пацярпелі.
Прычыны пажараў высвятляюцца.