З сённяшняга дня і да канца верасня ў Гродзенскай вобласці пройдуць мерапрыемствы па забеспячэнні бяспекі дзяцей на дарогах пад назвай “Зноў у школу!”, паведамляе рэсурс абласной ДАІ
Гэты праект стартуе ўпершыню, і яго мэтай з’яўляецца папярэджанне ДТЗ з удзелам дзяцей, адзначаецца ў паведамленні.
Цягам месяца супрацоўнікі ДАІ будуць наведваць бацькоўскія сходы, праводзіць тэарэтычныя і практычныя заняткі з дзецьмі па вывучэнню бяспечнага маршруту “дом-школа-дом”.
Таксама ў гэты час будуць ажыццяўляцца дзяжурствы стоп-мэнаў на пешаходных пераходах у месцах інтэнсіўнага перамяшчэння дзяцей.
Фота ДАІ