У суботу ў Слонім прыязджае Гродзенскі драмтэатр з “Брэменскімі музыкамі” і “Двума тузінамі пунсовых ружаў”

Афіша дзіцячага спектакля

У суботу, 23 верасня, з гастролямі ў Слоніме пабывае Гродзенскі драматычны тэатр. Гродзенскія артысты пакажуць для юнага гледача казку “Брэменскія музыкі” і камедыю для дарослых “Два тузіны пунсовых ружаў”, паведамляе тэатральная афіша Слонімскага драмтэатра .

“Брэменскія музыкі” — гэта гісторыя па казцы братоў Грым пра сапраўднае сяброўства, якое аб’яднала любоў да музыкі.

У спектаклі задзейнічаны артысты Гродзенскага драмтэатра Вікторыя Рудая, Ксенія Луцэвіч, Ангеліна Мандрык, Расціслаў Чарнецкі, Таццяна Абленс, Вольга Жадзько і Валерый Бабкін.

Казка ідзе на рускай мове. Пачатак у 12.00. Кошт квітка 10 рублёў.

Афіша спектакля для дарослых

Спектакль па п’есе А. Бенедэцці “Два тузіны пунсовых ружаў” — гэта гісторыя мужа і жонкі, дзе распавядаецца пра каштоўнасці кахання і сям’і.

Ролі выконваюць заслужаны артыст Рэспублікі Беларусь Аляксандр Шаўкаплясаў і артысты Таццяна Бабіла, Вольга Жадзько і Валерый Бабкін.

Камедыя ідзе на рускай мове. Пачатак у 17.00. Кошт квітка 15 рублёў.

Наш канал в Telegram