З 2 па 13 кастрычніка ў Гродзенскай вобласці юныя выратавальнікі ў межах рэспубліканскай акцыі «Моладзь за бяспеку!» дапамогуць адзінокім пенсіянерам, інвалідам і ветэранам вайны навесці парадак на прысядзібных участках, выбраць ураджай, нарыхтаваць дровы ды прывесці жытло ў пажарабяспечны стан, паведамляе абласны рэсурс МНС
Работнікі МНС у гэты час асаблівую ўвагу нададуць падрастаючаму пакаленю. Ва ўстановах адукацыі, цэнтрах дзіцячай творчасці, Палацах моладзі, кінатэатрах, актавых залах дамоў культуры, на адкрытых пляцоўках і ў парках пройдуць «Восеньскія балі юных выратавальнікаў», флэшмобы ды роварныя прабегі.
Удзельнікаў мерапрыемстваў чакаюць канцэртныя праграмы з тэматычнымі конкурсамі, віктарыны і латарэі, падарункі і сюрпрызы ад работнікаў МНС.
Ва ўсіх раёнах вобласці ў шэрагі Беларускай моладзевай арганізацыі выратавальнікаў-пажарных у гэтыя дні прымуць новых удзельнікаў, адзначаецца ў паведамленні.
Фота МНС