У гэтыя дні людзі ходзяць на могілкі, запальваюць знічкі і моляцца за памерлых. А каталіцкія святары праводзяць набажэнствы на могілках.
Увогуле Дзяды — гэта дзень пашаны продкаў, архаічныя традыцыі якога захаваліся на тэрыторыі нашай краіны і дагэтуль.
Напрыклад, у гэтыя дні нашыя продкі накрывалі святочны стол і выдзялялі за ім асобнае месца для продкаў, а таксама пакідалі адчыненымі дзверы ці форткі. Стравы ў кожным рэгіёне на памінальным стале маглі адрознівацца, але амаль паўсюль абавязкова на стол ставілі крупяную кашу (звычайна пшанічную, ячную або грэцкую кашу).
