ВАЗ бяспраўніка
1 лістапада каля 22.20 каіроўца легкавіка ВАЗ на аўтадарозе Ліда – Радунь ехаў у бок вёскі Пашковічы і наехаў на пешахода, які рухаўся ў спадарожным накірунку і быў пазначаны флікерамі, паведамляе абласная ДАІ
У выніку ДТЗ 62-гадовы мужчына ад атрыманых траўмаў памёр на месцы здарэння.
Кіроўца з месца аварыі з’ехаў, але яго асобу аператыўна ўстанавілі — гэта 43-гадовы жыхар Воранаўскага раёна, які ніколі не атрымліваў правоў кіроўцы, а ў момант наезду быў п’яны. Медычны агляд паказаў 1,18 прамілі алкаголю ў яго арганізме.
З пачатку года на Гродзеншчыне было затрымана 1084 кіроўцаў у стане алкагольнага ап’янення, адзначаецца ў паведамленні.
Фота ДАІ