За мінулыя суткі ў Гродзенскай вобласці здарыліся два пажары, траўмаваны адзін чалавек, паведамляе МНС
Гарэла хата ў аграгарадку Хвіневічы на Дзятлаўшчыне
Вечарам 21 лістапада дзяжурны доктар Мастоўскай цэнтральнай райбальніцы паведаміў выратавальнікам, што да іх у бальніцу з моцнымі апёкамі паступіў 63-гадовы мужчына.
Як высветлілася пазней, пенсіянер з таварышам рыбачыў на беразе Нёмана. Вечарам распалілі вогнішча. Калі таварыш адышоў праверыць улоў, на пенсіянеры загарэлася адзенне. Пачуўшы крыкі пра дапамогу, рыбак вярнуўся, збіў полымя з таварыша і даставіў яго ў бальніцу.
У цяжкім стане пенсіянер шпіталізаваны ў рэанімацыйнае аддзяленне.
Тым жа вечарам 21 лістапада дзятлаўскія выратавальнікі тушылі прыватны жылы дом у аграгарадку Хвіневічы.
Наступствы пажару ў Хвіневічах
З дазволу гаспадара ў яго доме жыла 34-гадовая жанчына. Вяскоўка растапаліла печ і адчула пах гарэлага, а калі выйшла на вуліцу, то ўбачыла полымя каля дымахода. Суседзі выклікалі выратавальнікаў.
Байцы МНС ліквідавалі пажар. Агонь пашкодзіў дах і перакрыцці. Людзі не пацярпелі.
Верагодна, што да пажару прывяло загаранне сажы ў дымаходзе, адзначаецца ў паведамленні.
Фота МНС
Больше всего она мечтает выступать на большой сцене.
Только противогололёдного материала заготовлено 3230 тонн.
Считается, что 22 ноября зима вступает в свои права.
Министр обороны Беларуси генерал-лейтенант Виктор Хренин открыл 22 ноября в Слонимском гарнизоне модернизированный стадион «Гвардейский».
О погоде в Гродненской области на 22-24 ноября рассказали синоптики.
В планах у предприятия - строительство нового логистического центра.