У Смаргонскім раёне ўчастковы міліцыянер затрымаў двух жыхароў Міншчыны, якія спрабавалі ўкрасці метал з фермы

Здарэнне адбылося ў вёсцы Сівіца. Мясцовыя жыхары паведамілі свайму ўчастковаму, што па вуліцах ездзіць незнаёмая машына з невядомымі грамадзянамі. У той момант легкавік «Фольксваген-Пасат» накіроўваўся ў бок закінутай фермы, дзе хутка павінна пачацца рэканструкцыя.

Нягледзячы на свой выхадны дзень, участковы не пакінуў без увагі паведамленне вяскоўцаў, паехаў на ферму і самастойна затрымаў зламыснікаў.

У багажніку «Фольсвагена» ужо было загружана амаль 400 кг чорнага металу, а таксама быў знойдзены тайнік для вывазу металалома вагой 380 кілаграм.

Затрыманымі аказаліся жыхары Маладзечанскага раёна 59 і 34 гадоў, якія нідзе не працуюць і на працягу многіх гадоў зарабляюць на металаломе.

Па факце спробы крадзяжу Смаргонскі РАУС праводзіць праверку, адзначаецца ў паведамленні.

Фота УУС