Афіша спектакля
«Снежная Каралева» — гэта музычная зімовая гісторыя пра сяброўства і адвагу, пра гонар і годнасць, пра веру ў агульначалавечыя і сямейныя каштоўнасці, пра нераўнадушша, узаемаразуменне, узаемапавагу ды гарачае сэрца, здольнае супрацьстаяць злу.
Герда — галоўная гераіня казкі — падарожнічае па сусветах, якія ствараюць добры і злы чараўнікі. Пабыўшы ў свеце дабра і зла, дзяўчынка імкнецца да адзінай мэты — выратаваць свайго блізкага сябра Кая. Снежная Каралева тут увасабляе ледзяное царства, якое існуе ў людзях, калі яны становяцца злымі і жорсткімі.
Кожны чалавек павінен прайсці шляхам Герды, каб, стаўшы дарослым, несці адказнасць не толькі за сваё жыццё і свой лёс, але і за лёс блізкіх і дарагіх людзей — пра гэта спектакль «Снежная Каралева» на сцэне Слонімскага драмтэатра, які паставіла рэжысёр Вікторыя Міхальчык.
У спектаклі заняты артысты Ігар Макараў, Сяргей Яўменаў (Уладзімір Навумік), Дзіяна Федасевіч, Багдан Клімаў, Наталля Шугай, Галіна Ерамейчык (Наталля Кліменка) і Надзея Ільчанка.
Спектакль ідзе на рускай мове.
Кошт квітка 8 рублёў. Пачатак у 12.00.