Гаспадар легкавіка перадаў кіраванне п’янаму таварышу-бяспраўніку — пакараюць абодвух

1 студзеня ў 22.20 супрацоўнікі ДАІ спынілі гегкавік «Mitsubishi» ў аграгарадку Капцёўка. Легкавік прыцягнуў увагу інспектараў сваімі манёўрамі.

Кіраваў аўтамабілем 22-гадовы хлопец, які не мае пасведчання кіроўцы ды яшчэ і ў стане алкагольнага ап’янення. Побач з кіроўцам знаходзіўся цвярозы 24-гадовы ўладальнік машыны, які мае правы кіроўцы.

У пратаколе апытання кіроўца патлумачыў, што вырашыў зацягнуць ручнік, таму папрасіў у таварыша ключы, а той перадаў кіраванне сябру, ведаючы, што ён п’яны і не мае правоў.

У выніку легкавік даставілі на стаянку пад ахову.

П’янаму кіроўцу цяпер пагражае штраф да 200 базавых адзінак і пазбаўленне правоў кіравання на 5 гадоў, а гаспадару машыны, які перадаў кіраванне сябру, — да 100 базавых адзінак штрафу і пазбаўленне права кіравання на 3 гады.