Ілюстрацыйнае фота
За мінулыя суткі ў Гродзенскай вобласці здарыліся 4 пажары, 1 чалавек загінуў, паведамляе МНС
5 студзеня ў 03.42 выратавальнікам паступіла паведамленне пра пажар у аграгарадку Суботнікі Іўеўскага раёна — гарэў жылы дом. У выніку пажару загінуў гаспадар дома, агнём пашкоджаны перакрыцці і маёмасць у доме.
Раніцай 4 студзеня гарэў жылы дом у Смаргоні. Агонь пашкодзіў перакрыцце на плошчы 1 кв. метр.
Гэтай жа раніцай гарэў жылы дом у вёсцы Шайбакі Лідскага раёна. Там агнём пашкоджана аздоба сцен і столі ў памяшканнях саўны і пакоі адпачынку ў цокальным паверсе жылога дома.
Таксама 4 студзеня ў 10.39 выратавальнікам паступіла паведамленне пра пажар у жылым доме ў вёсцы Барова Іўеўскага раёна. У выніку ўзгарання пашкоджана маёмасць, закурадымлены сцены і столь у доме.
Прычыны пажараў высвятляюцца.