Сёння каталікі святкуюць Уваход Гасподні ў Іерусалім, вядомы таксама як Вербная (Пальмавая) нядзеля.
У Слоніме ў касцёле Святога Андрэя, як і ў іншых цэрквах горада і па ўсёй Беларусі, праходзяць урачыстыя богаслужэнні.
Напярэдадні Вялікадня, у апошнюю нядзелю Вялікага посту, вернікі збіраюцца, каб узгадаць урачысты ўваход Ісуса Хрыста ў Іерусалім, які папярэднічаў яго хросным пакутам. Падзея гэта сімвалізуе самаахвяраванне Сына Божага, мэтай якога было адкупленне грахоў чалавецтва, і з’яўляецца выкананнем старажытнага прароцтва аб месіянскай місіі Хрыста.
