Пажары на Гродзеншчыне: у Слоніме ў бальніцы памёр ад апёкаў мужчына 1998 года нараджэння

15 мая ў 19.15 паступіла паведамленне, што ў бальніцы памёр ад апёкаў, атрыманых 3 мая пры пажары дарожна-разметачнай машыны «Контур-300» на Савецкай вуліцы ў Слоніме, мужчына 1998 года нараджэння.

16 мая ў 00.31 выратавальнікам паведамілі пра пажар у жылым доме на Сацыялістычнай вуліцы ў гарадскім пасёлку Поразава Свіслацкага раёна. У выніку ўзгарання пашкоджана маёмасць, перакрыцці і дах у доме. Ад агню пацярпелі жонка гаспадара 1987 года нараджэння і мужчына 1988 года нараджэння, які знаходзіўся ў гасцях. Пацярпелыя шпіталізаваны з апёкамі 90% цела.

Раніцай 15 мая гарэў жылы дом у вёсцы Карытніца Дзятлаўскага раёна. Агнём знішчаны дах і маёмасць, пашкоджаны сцены ў доме. У выніку спрацоўкі аўтаномнага пажарнага апавяшчальніка яшчэ да прыбыцця падраздзяленняў МНС быў выратаваны гаспадар дома 1966 года нараджэння.

Прычыны пажараў высвятляюцца.

Фота МНС